នាព្រឹកថ្ងៃទី៩ ខែកញ្ញា ឆ្នាំ២០២៥ ឯកឧត្តម គិន ណែត លេខាធិការក្រុមសមាជិកព្រឹទ្ធសភាប្រចាំភូមិភាគទី៥ និងលោកជំទាវ បានអញ្ជើញចូលរួមពិធីកាន់បិណ្ឌវេនទី២ នៅវត្តក្រពុំឈូក ឃុំក្រពុំឈូក ស្រុកកោះអណ្ដែត ខេត្តតាកែវ ដោយមានការអញ្ជើញចូលរួមពី លោក គិន ភក្ដី អភិបាលនៃគណៈអភិបាលស្រុកកោះអណ្តែត លោក លោកស្រី មន្ត្រីរាជការចំណុះការិយាល័យ អង្គភាពជុំវិញស្រុក កងកម្លាំងប្រដាប់អាវុធ នៃរដ្ឋបាលស្រុកកោះអណ្ដែត និងលោក លោកស្រីមេឃុំ ក្រុមប្រឹក្សាឃុំទាំង៦ឃុំ។
ក្នុងឱកាសនោះ ឯកឧត្តម និងលោកជំទាវបានចូលបច្ច័យ និងសម្ភារៈរួមមាន ស្លាដក១៣ឈុត អង្ករ៤បាវ(១បាវ ៥០គីឡូក្រាម) មី៥កេស ភេសជ្ជៈ៥កេស ទឹកបរិសុទ្ធ៥កេស ទឹកត្រី៥យួរ ទឹកស៊ីអ៉ីវ៥យួរ និងបច្ច័យសម្រាប់កសាង ចំនួន១,៤០០,០០០រៀល បច្ច័យប្រគេនព្រះសង្ឃ ចំនួន៤៩០,០០០រៀល បច្ច័យជូនតាជី យាយជី ចំនួន១៥០,០០០រៀលផងដែរ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
សម្រួលខ្លឹមសារ៖ នាយកដ្ឋានព័ត៌មាន
